संक्षिप्त परिचय:

म लोक बहादुर सुनारी, पाल्पा जिल्ला पूर्वखोला गाउँपालिका–३, रिङनेराह देउराली निवासी हुँ। हाल वैदेशिक रोजगारीको सिलसिलामा दुबई, संयुक्त अरब इमिरेट्समा बसोबास गर्दै आएको छु। प्रवासमा रहे पनि मेरो सोच, भावना र कर्म सधैं आफ्नो जन्मभूमि पाल्पा र नेपाली समाजप्रति समर्पित रहँदै आएको छ।

म पाल्पाली समाज यूएईको सल्लाहकारको जिम्मेवारी निर्वाह गर्दै संस्थालाई नीति–निर्देशन, सुझाव तथा मार्गदर्शन प्रदान गर्दै आएको छु। संस्थाले सञ्चालन गर्ने सामाजिक, मानवीय, शैक्षिक तथा आपतकालीन राहत कार्यक्रमहरूमा परामर्शात्मक भूमिका निर्वाह गर्दै सक्रिय सहभागिता जनाउँदै आएको छु।

प्रवासी नेपालीहरूको हक–हित, आपसी एकता, सहयोग र समन्वयलाई सुदृढ बनाउने उद्देश्यले म सधैं सकारात्मक भूमिका खेल्ने प्रयासमा छु। विशेषगरी प्राकृतिक विपत्ति, आगलागी, भूकम्प, बाढी तथा विपन्न परिवार र शैक्षिक संस्थाको सहयोगमा पाल्पाली समाज यूएईले अघि सारेका कार्यक्रमहरूमा मेरो निरन्तर साथ, सुझाव र सहयोग रहँदै आएको छ।

आगामी दिनहरूमा पनि पाल्पाली समाज यूएईमार्फत मातृभूमि पाल्पा र प्रवासी समुदायको सामाजिक, शैक्षिक तथा मानवीय विकासका लागि सक्रिय रहिरहने प्रतिबद्धता व्यक्त गर्दछु।